名堤 (Closed)

日式放題就食得多, 東南亞式放題就首次食, 呢間除左有散叫外, 仲有提供2小時任飲任食放題, 選擇邊樣, 當然要睇下餐牌有咩食先決定啦星期一至四價錢每位$198 (另加一), 剛好今日係呢個價, 同行友人商量同散叫差唔多價, 見佢食物選擇都幾對胃, 唔想煩就一於試下放題先黎個青木瓜鮮蝦沙律, 份量會因你人數而改變, 呢份細細份可以試下岩唔岩食先再ENCORE, 味道酸酸既青木瓜絲夠爽口, 面口舖上鮮蝦, 食落算爽口, 口感唔錯!同行友人見有特價生蝦刺身($78/8隻), 要自費都想食, 蝦唔算細隻, 夾埋生蒜同辣椒粒, 點少少特製醬汁, 幾好味道, 亦算抵食!串燒類有豬, 牛及鷄肉, 大路貨式, 牛肉比較乾身左D, 鷄肉會比較好味!我至愛既牛油鷄翼, 體積比出面食開既為巨型版, 包埋鷄翼尖部份, 食時熱到辣口, 好彩有凍飲降下溫, 味道都OK!無骨鳯爪, 配以酸青瓜, 爽脆酸辣鳯爪, 食落醒胃惹味, 亦整得幾入味, 無叫錯!包埋甜品幾款, 試左呢款芒果椰汁黑糯米, 2片芒果都幾甜, 黑糯米亦有咬口!價錢OK, 食物味道及選擇都合格, 侍應落單及服務夠快手, 此乃食放題既一大加分位!