東海薈 (Closed)

中秋節是令人開心的節日，一家人又有籍口聚會，搵地方食飯已經是樂趣，返到公司都唔錯，有好多客人送來的禮盒，月餅水果食到超飽。今年第一次收到東海月餅，客戶寄來禮卷，我去東海取，先讚個禮盒包裝，硬皮盒比鐵鑵環保，顔色亮麗，送禮得體。一盒四個雙黃蓮蓉，切開八件，件件有蛋黃，而且濕濕地，少少流心咁，一啲到唔乾，麻蓉香滑，皮亦脆，傳統準則應該標準，唔錯喎。我比較過美心的，東海比較深色實淨，更好樣，要介紹下俾朋友。