餃掂手工餃子雲吞專門店

明明係我哋叫煎餃先，但隔籬枱先上，我哋追問，姐姐竟然話煎餃耐啲，等陣啦，當住面咁講大話，令我感覺很不良好。餃掂提供菜甫豆瓣辣醬，但唔夠香辣惹味，豆瓣味唔夠濃烈，而且油油嘅。*至尊松茸豬肉餃 湯餃(8隻) $80餃子皮微韌，但湯分開上，令皮太乾身。皮薄餡靚，比例很好。餡料有松茸碎，必需再加拌碟松茸醬，松茸香味UP UP UP！跟據資料，狀元九鼎湯用九種食材，包括粉葛、紅蘿蔔、赤小豆、扁豆、陳皮、蜜棗、豬尾骨、鯪魚、鰂魚等。用6個鐘熬製。味道非常清淡、微微甘甜，但同松茸餃0夾。韭菜豬肉餃 (7隻) $45煎餃皮脆唔會好油，韭菜份量多，但有少少發苦。四川涼皮 $32涼皮有生蒜炸蒜，少量青瓜絲。揀小辣都好辣，醋比例偏多，好食嘅，但唔會回頭。