秘 (偉晴街)

Open Now

Now Closed

今日本身諗住係佐敦食壽司，但實在太多人，所以決定放棄食其他野。係佐敦就第一時間諗起秘呢間餐廳，因為自己都好喜愛食吉列牛。今次就叫左個板燒吉列牛$108，而午市定食就加$20會有一個秘之飯素，楓糖流心蛋同一罐汽水。我個人就覺得都幾抵食。亦都加左個手羽先，$48有4隻。吉列牛外層都幾脆而內裡既牛幾有口感亦有牛味，本人就唔喜歡太熟，怕太熟會失去嫩滑口感。個飯個人都幾喜歡，因為將佢攪勻會有少少甜味，加埋個吉列牛口感非常滿足。手羽先外脆內嫩，外皮唔係炸得好厚，唔會有好多粉既感覺。