八福 (Closed)

今日同男朋友行完街出旺角食野，佢話好肚餓。所以就是但搵啲野食，結果就行左入呢間餐廳。間餐廳應該開左好耐，啲裝修都舊舊地。係牆到見到佢地2008年有傳媒訪問，話佢地既烏冬好好食，所以都有啲期待🤣。我地叫左個二人set，再叫左個雞串。成個set有三個小食，兩個主食同兩杯野飲。好老實，啲野食真係好普通🤔。小食份量唔多，餃子同吉列蠔都普普通通，汁煮牛肉份量太少，同埋無咩汁，同時都無咩味。反而另外嗌既雞串就有汁，幾濃味，不過好細串。烏冬口感都ok既，幾有咬口同煙韌，但個湯真係無味架😑！可能係預你邊食小食，邊食烏冬掛。另外男朋友揀既咖喱汁蘑菇飯，佢話完全無咖喱味⋯😂野飲都係正正常常咁樣，我飲個杯柑桔青檸甜酸度岩岩好。本身男朋友叫我比個差評😂，但我覺得都未難食到食唔落口既程度，只係極普通，所以都係比個OK算啦。