Piccolo Pizzeria & Bar (Closed)

已經有一段時間冇食pizza，就決定同家人去沙田新城市廣場Piccolo Pizzeria & Bar食正宗高質意大利菜同埋pizza。呢度裝修優雅，地方寬敞，而且卡位亦特別舒服，店員畀我嘅感覺亦都好友善，服務好到位，週不時都會serve我哋。今次前菜點左炸南瓜芝士、傳統意大利沙律，主食有香烤蒜蓉意粉，因為今次有小朋友嘅關係，個店員好主動提供走辣， 非常細心。Pizza就揀咗夏威夷味道，小朋友至愛。最後甜品叫咗Tiramisu，另外飲品叫咗 Classic Fruit Punch同埋Mango Mania。前菜炸南瓜芝士及傳統意大利沙律都好有意式風味，而香烤蒜蓉意粉就有好香濃嘅蒜蓉味，加埋特製醬汁配上意粉，每一啖都好creamy。Tiramisu 就完全意識到意大利正宗味道。而最緊要個夏威夷風情pizza，上面嘅材料極多而且醬汁亦都好啱口味，加上pizza係新鮮焗出嚟熱辣辣，個個都搶住食。二杯飲品都非常解暑，各有特色，而且係打卡之選。