Video
Read full review
2022-04-19
254 views
灣仔既板神分店我終於有機會食啦！佢差唔多每一間舖頭我都幫襯過，因為我覺得呢一間餐廳好有水準，而且裝修高級，嘢食有質素，所以我會去佢唔同嘅分店試。今日同朋友一齊食極上 •席前鐵板燒套餐，呢個套餐非常之豐富，有錢菜、海鮮、帶子、鵝肝、野菜、仲有送一隻澳洲鮑魚，最後總會有啲炒飯甜品等等，包羅萬有😍😍首先嚟咗前菜三點分別有螢光魷魚🦑▶️水雲▶️高糖番茄🍅，擺盤精緻又好味😋之後就有蟹棒沙律🥗用嚟開胃❤️飲啖茶清一清喉嚨，就食刺身啦！刺身有三款：深海池魚、間八魚、赤身，師傅建議由白魚開始食，味道由淡到濃。新鮮之選！本日海鮮：牛油果蟹肉三文魚子他他😍配搭脆餅，口味唔錯呀！帶子加上牛油同魚子，非常香口！呢個套餐仲會送澳洲鮑魚或者澳洲龍蝦，我揀咗澳洲鮑魚，勁大隻隻鮑魚！！係非常新鮮嘅鮑魚，喺鐵板燒嘅時候仲會郁吓郁吓，望到都有少少唔忍心🥺師傅話我哋知鮑魚中間位會林少少，容易咬，可以先原汁原味咁樣食之後先再點醬汁；鮑魚邊位，海水味重少少，爽口啲。味道口感非常唔錯👍👍之後就整法國鵝肝，好肥美呀，鵝肝既油脂齒頰留香🤤🤤夾住細細個包食可以減低油膩感，真係好正！！呢一款法國鵝肝真係令人地回味無窮。食完鵝肝我哋就食牛肉、季
今日同朋友一齊食極上 •席前鐵板燒套餐，呢個套餐非常之豐富，有錢菜、海鮮、帶子、鵝肝、野菜、仲有送一隻澳洲鮑魚，最後總會有啲炒飯甜品等等，包羅萬有😍😍
首先嚟咗前菜三點分別有螢光魷魚🦑▶️水雲▶️高糖番茄🍅，擺盤精緻又好味😋
之後就有蟹棒沙律🥗用嚟開胃❤️
飲啖茶清一清喉嚨，就食刺身啦！刺身有三款：深海池魚、間八魚、赤身，師傅建議由白魚開始食，味道由淡到濃。新鮮之選！
本日海鮮：牛油果蟹肉三文魚子他他😍配搭脆餅，口味唔錯呀！
帶子加上牛油同魚子，非常香口！
呢個套餐仲會送澳洲鮑魚或者澳洲龍蝦，我揀咗澳洲鮑魚，勁大隻隻鮑魚！！係非常新鮮嘅鮑魚，喺鐵板燒嘅時候仲會郁吓郁吓，望到都有少少唔忍心🥺師傅話我哋知鮑魚中間位會林少少，容易咬，可以先原汁原味咁樣食之後先再點醬汁；鮑魚邊位，海水味重少少，爽口啲。味道口感非常唔錯👍👍
之後就整法國鵝肝，好肥美呀，鵝肝既油脂齒頰留香🤤🤤夾住細細個包食可以減低油膩感，真係好正！！呢一款法國鵝肝真係令人地回味無窮。
食完鵝肝我哋就食牛肉、季節野菜多士，呢款菜式別出心裁，師傅將薄切牛肉加上蔥花調味煎煮，令牛肉嘅味道昇華，多士又可以吸收牛肉多餘嘅油份，正！野菜有蘆筍、粟米芯同菇，甜甜的，可以同牛肉嘅味道相輔相成🤤😍
唔好以為呢個套餐就咁完啦，仲有和牛炒飯、漬物、麵豉湯，豐富到不得了！包你可以捧住個肚走😂😂
最後以美味嘅黃豆味同埋綠茶味嘅蕨餅畫上完美既句號。我真係覺得好滿足！同時我個肚亦都感到好幸福☺️😂
Post
