Labels Cafe + Bar (Closed)

原本幾期待去呢間餐廳食飯，因為睇到OpenRice 其他人影既相，睇落都唔錯，所以同朋友去南豐紗廠行行，順便試吓間餐廳，點知好失望！我哋叫咗黑蒜油青口意粉，堅果紫薯意大利飯同布朗尼蛋糕配棉花糖雲，逐一同大家分享。首先，黑蒜油青口意粉算係三道菜中最正常，不過味道麻麻，沒有層次，得個鹹味！然後，堅果紫薯意大利飯沒有紫薯味，同平時risotto 差不多味，但都係偏鹹，堅果有只有杏仁、合桃，而且同餐牌上圖片有少少出入，還有我有比較其他OpenRice 用戶上傳的照片，發現我果日嘅堅果紫薯意大利飯整得有啲hea，感覺呢間餐廳維持食物水準很差！這是我食的意大利飯：這是其他用戶的相片：最後，最嚴重係甜品，布朗尼蛋糕配棉花糖雲實在太貨不對辦，果然餐牌圖片只供參考，大家唔好中伏啊！請睇吓個實物同餐廳圖片的對比，實在差太遠！不能接受！餐廳圖片是粉紅色的棉花糖雲，實物完全沒有！仲有價錢唔係便宜，叫得呢個甜品，好多人都係想打卡影相（例如我本人），但係出到黎係咁樣，真係好失望！果然圖片只供參考，大家唔好中伏！總結，對呢間餐廳好失望，唔會有下次！