香港鴻興隆中華菜館 (Closed)

朋友出國留學多年, 襯暑假返嚟探下朋友, 我就當然要帶佢食返久違了的中菜。呢間位於尖沙咀嘅中華菜館, 用上木製椅桌, 加上大量傳統裝飾擺設, 很有中國傳統色彩, 食物都未到, 朋友已經忍唔住要影相打卡啦。呢度嘅糖醋魚塊水準出眾, 魚肉口感極為柔軟滑溜, 炸粉夠薄, 醬汁甜酸度平衡得宜, 配碗白飯就一流。孜然羊肉薄羊肉片帶點羊騷味, 以薑蔥同芫茜炒拌, 加上孜然調味, 份外惹味。炒三鮮有薯仔、茄子、青椒, 薯仔切成薄片, 香軟入味, 茄子肉夠綿滑, 青椒炒得恰到好處, 保持爽口質感, 味道清甜, 正！