Video
Read full review
2022-08-22
154 views
今日嚟咗呢間茶餐廳，見到個外型呢好得意叫做檸檬冰室，入面嘅主題又係黃色感覺呢新穎得來又好型格，咁就一於入去食下港式茶記，意外地好好食好高質價錢又唔貴！🍴一口西多伴雪糕 $30 (7/10)一口西多士一啖一粒好方便食，炸到好香脆唔會好油膩，麵包都好鬆軟，有煉奶同埋蜜糖甜甜地，幾好食，雪糕係雲呢拿雪糕都幾大球，正常雀巢味再加埋朱古力醬都唔會太甜。🍴奶油豬 $19 (7/10)好香脆，上面有煉奶同埋牛油，甜甜地又大嚿，好邪惡啊！🍴鐵板海鮮炒鳥冬 $65 (8.5/10)海鮮炒烏冬好豐富呀，分量超多啊！有蝦仁，魷魚，青口，魚肉各兩粒，元貝一粒，青椒洋蔥芽菜椰菜，烏冬炒得好香口，鹹鹹地豉油味幾香，口感淋身，魚肉口感比較紮實，魷魚有口感，蝦仁都爽口，元貝青都唔腥加埋佢好多蔬菜，口感都好豐富！真係抵食又好食。🍴鮮茄菠蘿焗厚豬扒飯 $60 (8/10)個飯有炒過底，有雞蛋絲，個飯夠乾身幾香口，豬扒都好大塊仲要切開左好貼心，幾厚身好鬆軟 ，一啲都唔會好韌好鞋口，個汁用咗洋蔥蕃茄西芹去煮酸酸地都幾開胃，菠蘿係有一塊大嘅罐頭菠蘿，酸酸地夠晒份量，加埋芝士撈勻呢成個焗豬扒飯係真心好食㗎！好食過好多茶記同埋快
🍴一口西多伴雪糕 $30 (7/10)
一口西多士一啖一粒好方便食，炸到好香脆唔會好油膩，麵包都好鬆軟，有煉奶同埋蜜糖甜甜地，幾好食，雪糕係雲呢拿雪糕都幾大球，正常雀巢味再加埋朱古力醬都唔會太甜。
🍴奶油豬 $19 (7/10)
好香脆，上面有煉奶同埋牛油，甜甜地又大嚿，好邪惡啊！
🍴鐵板海鮮炒鳥冬 $65 (8.5/10)
海鮮炒烏冬好豐富呀，分量超多啊！有蝦仁，魷魚，青口，魚肉各兩粒，元貝一粒，青椒洋蔥芽菜椰菜，烏冬炒得好香口，鹹鹹地豉油味幾香，口感淋身，魚肉口感比較紮實，魷魚有口感，蝦仁都爽口，元貝青都唔腥加埋佢好多蔬菜，口感都好豐富！真係抵食又好食。
🍴鮮茄菠蘿焗厚豬扒飯 $60 (8/10)
個飯有炒過底，有雞蛋絲，個飯夠乾身幾香口，豬扒都好大塊仲要切開左好貼心，幾厚身好鬆軟 ，一啲都唔會好韌好鞋口，個汁用咗洋蔥蕃茄西芹去煮酸酸地都幾開胃，菠蘿係有一塊大嘅罐頭菠蘿，酸酸地夠晒份量，加埋芝士撈勻呢成個焗豬扒飯係真心好食㗎！好食過好多茶記同埋快餐店。
🍴黑鑽紅豆冰 +$12 (8/10)
意外超級大杯用咗啤酒杯去裝住！紅豆同埋涼粉都超級多啊，份量勁飽！紅豆煮到爛晒好淋，涼粉都好滑好淋，淡奶都幾香，唔會好甜！真心有驚喜！
🍴 超趣華田 +$12 (8.5/10)
超級香濃阿華田味，一啲都唔甜，上面有啲脆脆同埋好立克粉，飲落去香濃得來有幾特別，嗰隻阿華田同埋可立克嘅Crossover，有創意得來又好飲！
推薦指數: 8.5/10
真係好耐冇食過咁好食嘅茶餐廳，除咗舊式風味嘅茶記之外，呢間新式嘅茶餐廳都好唔錯，真心每一樣嘢都幾高質好好食，價錢又唔貴，返工返學平時都可以食多幾次啊😆
Post
