sofi Coffee (Closed)

咖啡店係行偏暗氣氛路線，播住背景音樂，坐位唔多，同隔離枱隔好遠，好闊落舒服。二人坐位唔係面向對方，而係向住counter，而且有啲位嘅枱好細張，比較啱獨食下午茶，傾計要斜少少坐，有啲唔舒服。坐近窗邊門口光猛啲，影相好睇啲，坐入面會暗好多。*Latte (M) $40熱度足夠，咖啡豆香奶香差啲啲，奶泡細膩綿密，同咖啡混合得好均勻，質感很好。泰式香菜炒新豬肉刈包 $78刈包係烘熱烘脆嘅饅頭，麵粉香又鬆軟。今次係我第一次食新豬肉，非常meaty，焦香感十足，食唔出係全素。配料生菜新鮮爽脆，紅蔥頭九層塔係泰式調味嘅必需品，醬汁香辣惹味。一啖食晒刈包同埋餡料，個包索晒啲汁之餘，又唔油膩。自家製青醬椰菜花窩夫 $98窩夫應該係牛角包用窩夫機壓成千層酥，少少油但非常酥脆，窩夫上面鋪滿細細朵嘅椰菜花，加埋自家製青醬，味道淡淡地，但冇草腥味，亦唔會有橄欖油嘅油膩感，加埋芝士焗到焦香拉絲，仲有風乾蕃茄，酸甜又清新。