梅光軒 (杏花新城) (Closed)

呢間係日本北海道旭川得獎拉麵店之一原來香港都有分店，唔止銅鑼灣有，連杏花村都開咗。店舖門口已經寫住米芝蓮推介來頭好似好勁咁。入到餐廳，店員招呼好好，即刻安排座位。 而且店內有一棵高高嘅梅花樹，好似置身日本嘅感覺，配合返店名梅光軒一於睇下有咩拉麵食先拉麵款式都幾多， 有啲拉麵可以揀選半份或一份，而且有好多都係限定推介。我哋揀咗一個限定嘅生薑醬油拉麵，另外再揀咗個半份嘅鹽味拉麵叫完拉麵可以加購一啲小食及飲品。小食加咗忌廉蟹肉薯餅， 由於加購配埋嘢飲，我唔想飲汽水， 好好嘅係餐廳汽水可以轉蕨餅，非常貼心鹽味拉麵嚟到，份量都唔算少。相信個份量對女仔嚟講就剛剛好唔怕食得太飽濟住。呢度嘅拉麵，我覺得湯底最為出色鹽味湯底拉麵，鹽未夠又帶有雞湯味，唔會太鹹。而且拉麵上仲有啲配菜，例如荀及蔥等等調味。店內亦都有調味架可以俾你調味，有拉麵胡椒（呢個）、蒜蓉、醋、醬油、芝麻等等，都好多元化生薑醬油拉麵，湯底超級薑味，如果鍾意食薑嘅朋友就啱喇。如果唔太好薑嘅朋友就可能會略嫌個味道太濃。呢度啲拉麵嘅麵質比較特別望落去唔似普通拉麵，佢望落去其實有啲似公仔麵但係食落去又有啲彈牙嘅感覺，好似手工麵咁，幾得意小食方面，