梓沐村

Open Now

Now Closed

為食之選😋兩款主食 + 一款冷盤主食好多選擇，我嘅選擇困難症又出現了😆今次試左招牌腐乳鹽酥雞，好大件呀⋯⋯啖啖肉，加左腐乳更加之惹味。古早味坑肉，一層肥肉一層瘦肉，唔講得笑超好味。秘製蕃茄牛腩，煮得好林身入口即溶。鹽燒鯖魚，份量都大條一d都腥。冷盤有四款選擇，我點左鰹魚花涼拌茄子，清清甜甜好開胃。日式胡麻豆腐，唔使多講小食必備的。重點講一講個日式醬油蛋拌飯，只係隻蛋已經可以撈一碗飯，正到不得了。飲品有輕芝士岩鹽奶蓋綠茶🥤我仲加左爆爆珠，個奶蓋好好飲呀⋯⋯蜂蜜柚子梳打，清甜解渴，十個正。款款一小碟可以食多幾款，好唔錯嘅選擇，樣樣食到好滿足😌