阿波羅

Open Now

Now Closed

百無聊賴落街行下，行下書局又睇下衫，見到有呢間阿波羅﹗午飯又未食，見好多細佬0係度食野，走埋去八一八，原來人人手上都攞住兜撈麵﹗個名叫"森巴撈麵"，$6，加埋燒賣四粒就$10，有幾森巴我就唔知，不過就貪得意幾十歲人學0的小朋友整左碗來食下﹗麵是淥定的，你要就加熱，都尚算彈牙，上面加左0的調味油包同埋少少炸蒜，油膱味很重很濃，正宗重口味，好老實講真係唔知有咩好食，又油又鹹﹔魚肉燒賣反而幾彈牙有o趙口，收貨﹗十蚊雞都唔嫌得咁多，這一代小朋友吃得津津有味，魚旦燒賣互相交換不易樂乎，我地呢0的70後，真係唔多明箇中道理。