初心

Open Now

Now Closed

今日去將軍澳探朋友，朋友帶咗我去食一間叫初心的餐廳，有雞煲，有小菜，有火鍋，好多唔同嘅嘢食，好多選擇。今日揀咗椰子雞煲，先來一煲白雪雪嘅椰子湯，再倒入一個新鮮椰青水，當然再嚟就係主角，完全冇肥膏嘅文昌雞。水滾後落雞煮5分鐘，開始食喇！當然先飲頭啖湯，帶少少胡椒味，鮮甜可口。椰子味香，重點係文昌雞嘅雞肉彈牙爽口，一啲肥膏肥油都冇，咬落好有質感，再落埋啲青檸汁落鼓油度一齊食，超好味😋食完文昌椰子雞後加湯打邊爐再點咗牛小排，灼到剛熟即起，牛小排肉質嫩滑，好香牛味，入口即化。另一值得試嘅係手打牛丸，爽口彈牙，牛肉味濃。仲有貢丸，山药，金菇菜同西洋菜，全部都好正。餐廳仲有任點任食火鍋，保證能滿足你嘅口福。