緣味小聚 (金百利廣場) (Closed)

今晚收工做無飯主婦去搵食，見到有間打邊爐，裝修是是正正，😀望落去又好企理，就決定試試新野。一入到去見到d位全部都好闊落。我哋兩個人食都係安排我哋去坐四人座位，唔使逼住逼住甘。食完龍蝦🦞，食鍋底。龍蝦連蝦頭都膏，白雪雪嘅龍蝦肉超級吸引。扇貝 生蠔 🦪 鮑魚，海鮮種類繁多🌈超好、鮮甜、爽脆 、大大隻！隻隻索晒所有汁🥰 另外，湯底嘅配料都好食！配料都好多份量，好足料！龍蝦丸🌈真心有龍蝦味，冇雪味，食落都好彈牙！仲嗌咗一碟小菜，客家先咸雞🌈味道好濃。令到雞肉嘅表皮有微微嘅香氣。雞肉肉質好滑身，一啲都唔鞋😋！而且雞片切得好細身，保留到肉質嫩滑！香芒雪米糍🌈糯米糍十分嬌小玲瓏！一啖扯开，糯米皮居然咁薄，烟烟靭靭的感覺相當正。🫰🏻招牌蒸鍋亦都令我留下深刻印象，令我同老公都回味無窮。