Video
Read full review
2018-04-05
360 views
位於登龍街嘅 【V Point】可謂美食嘅新蒲點上星期嘅復活節 就同老公去咗28樓嘅【嘉門鐵板燒】豪一豪 嘆一嘆 盡情享受浪漫嘅二人世界由於呢間餐廳座落於高層 可以180度飽覽維港景緻餐廳裝修格局高雅 附設有吧枱 可以近距離欣賞師傅嘅工架日式鐵板燒採用上乘以及新鮮嘅材料除了不時不食之外 更能發揮食材的天然味道所以不論是調味 刀工 烹調方式都是以保留食物的自然風味為大前提絕對講求師傅時間嘅拿捏 以及對食材的掌握季節精選前菜三小點《冰頭漬》 選用咗三文魚鼻頭軟骨位置 是極為珍貴嘅部分入口爽脆之餘 口感煙靭 由於用咗醋同味琳等去醃製 味道酸中帶甜配合埋爽口嘅醃青瓜 爽度十足《白飯魚玉子》 玉子入面帶出一絲絲既白飯魚白飯魚嘅鮮甜加上木魚湯嘅優香令平平無奇嘅玉子 帶出甜美感覺《胡麻豆腐》 看起來和杏仁豆腐一樣平平無奇誰知一入口卻令人驚喜胡麻細緻滑溜 香氣四溢特別在上面嘅一抹魚子醬帶出咸鮮味 可謂極度「 誘惑」(幼滑)來都期待已久嘅鐵板燒部分《菊花煙燻北海道帆立貝》大廚用上三款菊花黎煙燻帆立貝 分別係日本嘅坂本菊 寒菊 以及杭州嘅白菊食用菊花食用價值很高 有養肝明目 健脾胃 潤喉生津 等功效。愛蓮
上星期嘅復活節 就同老公去咗28樓嘅【嘉門鐵板燒】
豪一豪 嘆一嘆 盡情享受浪漫嘅二人世界
由於呢間餐廳座落於高層 可以180度飽覽維港景緻
餐廳裝修格局高雅
附設有吧枱 可以近距離欣賞師傅嘅工架
日式鐵板燒採用上乘以及新鮮嘅材料
除了不時不食之外 更能發揮食材的天然味道
所以不論是調味 刀工 烹調方式都是以保留食物的自然風味為大前提
絕對講求師傅時間嘅拿捏 以及對食材的掌握
季節精選前菜三小點
《冰頭漬》 選用咗三文魚鼻頭軟骨位置 是極為珍貴嘅部分
入口爽脆之餘 口感煙靭
由於用咗醋同味琳等去醃製 味道酸中帶甜
配合埋爽口嘅醃青瓜 爽度十足
《白飯魚玉子》 玉子入面帶出一絲絲既白飯魚
白飯魚嘅鮮甜加上木魚湯嘅優香
令平平無奇嘅玉子 帶出甜美感覺
《胡麻豆腐》 看起來和杏仁豆腐一樣平平無奇
誰知一入口卻令人驚喜
胡麻細緻滑溜 香氣四溢
特別在上面嘅一抹魚子醬帶出咸鮮味 可謂極度「 誘惑」(幼滑)
來都期待已久嘅鐵板燒部分
《菊花煙燻北海道帆立貝》
大廚用上三款菊花黎煙燻帆立貝
分別係日本嘅坂本菊 寒菊 以及杭州嘅白菊
食用菊花食用價值很高 有養肝明目 健脾胃 潤喉生津 等功效。
愛蓮說:「 菊花，為花之隱逸者」
日本人喜歡將菊花入饌 除咗滿足視覺和味覺享受之外
亦加添咗一份幽香嘅氣息
帶有菊花味嘅帆立貝感覺十分清新
店員仲提醒連墊底嘅菊花都係可以食
搣咗幾片菊花嘅花瓣試試 味道清香自然
食完帆立貝之後再享用埋旁邊小杯既菊花凍
繼續延伸菊花既餘韻
《活燒北寄貝貝鰹魚昆布汁》
上菜既時候侍應小姐會燃點起墊底既香柏
燒出既天然香氣令人精神鬆弛
那沁人心脾既幽香 令人心靈上予以淨化 舒解內心緊張既壓力
北寄貝極為鮮甜厚肉
大廚將北寄貝嘅烹調時間拿捏得相當準確
令口感不會過於煙靭
貝肉本身味道清甜 大廚只加入鹽同黑椒等基本調味 令人更加品嘗到海鮮那份鮮味
食完北寄貝再用個匙羹仔飲埋個北寄貝汁 可謂身心滿足
《地蛤清酒煮》
清酒煮地蛤 入面加入咗昆布 日本蒜頭同埋三葉嘅香菜
由於火候控制得宜 蜆肉脹卜卜 滑溜嘅感覺沿著舌頭食道伸延
一啖咬下 蜆汁爆發 具有濃厚嘅海水鮮味
由於蜆吸收咗清酒嘅味道 令鮮味及酒香大大提升
《日本A5宮崎和牛伴溫室野菜》
細緻品嚐之下 就知道沒有丟「A5和牛」呢個美譽
A5宮崎和牛油脂分佈平均 雪花滿佈 肉質極之鮮嫩
入口豐盈 油份充足 達致入口即溶嘅境界
而且配合埋日本炸蒜片 香草岩鹽 芥末昆布等調味 令滋味度爆燈
《白飯魚苗薑粒炒飯》
炒飯粒粒飽滿分明 色澤金黃
炒嘅時候白飯魚苗有如舞動跳躍
加上薑末和蔥花一齊炒 食落有點脆口感覺
估唔到一碗簡單嘅炒飯 都可以畀到人一種飽腹 滿足之感
《新香物》
香物通常會與飯一併食用
香物即係日本嘅漬物
麵豉漬蒜頭 帶有爽口感覺 少了蒜頭嘅那一份辛辣味
醬油漬牛蒡 吃得出醬油嘅鮮味
醃蘿蔔 酸中帶甜口感清新
《赤麵豉湯》
最後來一碗赤麵豉湯作最後嘅終結
赤麵豉味道較為濃烈 入口帶一份魚嘅鮮香
味道濃郁而不咸 口感甘醇
呢餐高級日本料理雖然價值不菲
但晚飯嘅時候可以坐擁維港景緻
以及欣賞到大廚精湛嘅廚藝及高超技巧
加上優質嘅食材 絕對係物有所值
難得和愛人撐枱腳 絕對豪得起
Post
