Golem Craft Beer (Closed)

馬鞍山區雖然成日比人話系美食沙漠，但石門都有間西餐廳質素高、性價比高、食物品質高。一入到黎裝修好靚，燈光通明，氣氛幾好，播住好舒服既英文歌，員工服務態度非常好，旁邊有一張長長嘅bar台，如果約三五知己嚟chill都幾適合。南瓜湯非常濃郁，質地柔滑，好香南瓜味，啲嘢飲嘅質素都好高，上菜速度非常快，而且注重上菜次序等細節，非常滿意。呢個番茄大蝦意粉有少少辣辣地， 好嘢味，非常開胃， 賣相都好精美，隻蝦都大大粒，性價比極高！呢個三文魚牛油果沙律真係好健康，最岩成個新年食完油炸野既我地黎食，黑松露卡邦尼意粉，一黎到，就聞到非常濃郁嘅黑松露味，最岩我呢啲黑松露愛好者，可惜就係有少少過咸，但係整體味道都唔錯，超出預期的好味！我哋仲叫咗個10安士嘅安格斯牛扒，叫七成熟，不過感覺似五成熟。舊扒切到好厚，肉質非常鬆軟同肉汁，肥肥美美，真心好抵食！