Undici

Open Now

Now Closed

Happy Friday冇理由唔去食好嘢，跟朋友去銅鑼灣食間高質樓上cafe。去到門口都唔似一間cafe，一開始以為係賣藝術品嘅鋪頭😂😂呢個湯睇落似龍蝦湯，飲落好重櫻花蝦味，重有d蝦碎可以食到。味道比起龍蝦湯更濃。平時食開黑松露意大利飯，好少見黑蒜油。黑蒜油食落有驚喜，味道唔算好重，配埋蟹籽食幾夾。刺身帶子煎完都唔會縮得太勁。同好多鋪頭一樣，都係得3粒。呢個明太子意粉，食落口雖然唔係好食到蟹肉但食到一陣陣蟹味，蟹籽份量超多，食落好有口感。個汁就偏多，可以收乾少少就prefect見到隔離枱食個雞翼，又忍唔住叫嚟試下。雞翼炸到好脆，但蜜糖個量比較多，可以加咗蜜糖再焗一下會好d。最好食埋個甜品，個芝士味品係好勁，朱古力味好出。個size啱啱好，食完唔會好濟，又唔會唔夠喉。原來星期一至四有$1蛋糕放題，問咗店員lunch同dinner都有。下次有機會再試下。