Rimi Cafe (Closed)

旺角雖然嘢食選擇多，但有時都想和老友靜靜地，食下野傾吓偈，咁啱去完柏裕商業大廈，朋友就提議不如近近地去RimiCafe。原來經Op訂位仲可以有九五折喺登打士街廣場20樓全層，有兩種風格，一種是常見的梳化座位，另一種是榻榻米，朋友笑自己年紀大所以坐梳化座位。餐廳有不同的食物選擇，亦有套餐提供，有選擇困難症的我們就點了二人餐，因為可以減少時間選擇，爭取時間聊天。套餐包餐湯，蒜蓉包，兩杯飲品，紅茶或綠茶系列， 可以選擇補回差價點其他飲品，小食，麵類和主菜，各選一個。小食，我們另加了5元，點了蜜糖芥末醬雞翼，二人餐有六隻雞翼，抵食，雞翼夠大隻皮脆肉嫩，配上蜜糖芥末醬，十分惹味。意粉，意式青醬雞絲炒闊條麵，炒闊麵比較少見，雞絲份量大， 什菇亦不少，闊條麵軟硬適中，配上意式青醬，羅勒等香草味香濃，且一d都唔膩。主菜，BBQ汁燒豬肋骨配薯菜，份量大，肉質軟腍，醃得入味，又唔乾身。二人餐如果兩個女仔食，其實一定足夠，因為全部都是飽肚的，最重要好抵食， 地點又就腳方便。