四季甜品-外賣王

Open Now

Now Closed

今日男朋友既朋友話帶我哋去試新嘢，話比一糖仲要好食，我哋當然要來睇下究竟，聽佢講前名叫 "明朝人氣甜品店" 依家改頭換面重新開舖，原因就唔去追問了。 門口睇到芒果及榴槤拿破侖賣相好吸引，仲係酒店級師傅主理，我就決定先試最愛既榴槤拿破侖先，男朋友完全唔鍾意榴槤，佢㨂咗富貴黃金屋，佢朋友同我一樣係榴槤發燒友，我哋簡直惺惺相惜、臭味相投。富貴黃金屋，我試咗幾啖，超濃既芒果味，唔算太甜。朋友食榴柑歲月，佢話榴槤有點而少，我睇都唔算啦，靚榴槤都好貴架！終於輪到我既榴槤拿破侖出場，點解同張相有咁大出入，不過兩件都幾大件，我都唔知從何入口，先試佢既酥皮，真係好鬆化，榴槤餡都唔少，甘香可口，只是食得有點呢hea，總結都好好味，款式各方面都好多選擇，環境方面有點欠佳，坐街，好彩尋晚好大風好舒服。