Video
Read full review
2023-01-11
411 views
蒲羅琴日中午去咗樂富約咗朋友一齊食野，搵到一間餐廳食新加坡菜，咁啱已經到咗下午茶時間，我哋三個人叫咗幾個餸，都幾抵食！呢間餐廳都算幾大，門口又無一級，方便輪椅人士入去食野，坐得好舒服！1.娘惹茶燻鴨喇沙米線+凍海鹽雪糕椰汁珍多冰$59+8（8/10）呢個喇沙可以揀米線或者摻摻，一遞上枱已經聞到香噴噴嘅燻鴨味，打完卡仲好鬼熱辣辣，入面有幾舊豆腐卜， 豆腐卜索哂湯汁，一咬爆哂出嚟，個湯底係小辣，但最惹味係佢嘅辣椒醬，如果食得辣嘅朋友加埋個醬就會更加惹味，入面個鴨胸好厚肉，而且個鴨皮好香，入面有6舊，份量算多，幾好味！凍海鹽雪糕椰汁珍多冰上面雪糕無咩鹹味，不過影相打卡就好靚，係一個唔錯嘅甜品和飲品，椰香味十足入面亦都有煙煙韌韌的粉條！2.地道老鼠粉+椰汁班蘭冰$58+$8（7/10）呢個炒粉係乾身，入面有好脆嘅魚仔乾，仲有甜甜地嘅菜脯，加少少肉碎同埋花生，連埋將一隻流心蛋搞埋一齊食，成個炒粉就會令到好飽肚，不過成個餸就會乾身少少！椰汁班蘭冰入面綠色沙冰比人好清涼嘅感覺，入口微甜，不過個人覺得班蘭味可以再重d！3.街頭串燒拼盤+馬來拉茶$58（8/10）呢個拼盤有大蝦、魷魚鬚同雞肉，每款有各兩
琴日中午去咗樂富約咗朋友一齊食野，搵到一間餐廳食新加坡菜，咁啱已經到咗下午茶時間，我哋三個人叫咗幾個餸，都幾抵食！
呢間餐廳都算幾大，門口又無一級，方便輪椅人士入去食野，坐得好舒服！
1.娘惹茶燻鴨喇沙米線+凍海鹽雪糕椰汁珍多冰$59+8（8/10）
呢個喇沙可以揀米線或者摻摻，一遞上枱已經聞到香噴噴嘅燻鴨味，打完卡仲好鬼熱辣辣，入面有幾舊豆腐卜， 豆腐卜索哂湯汁，一咬爆哂出嚟，個湯底係小辣，但最惹味係佢嘅辣椒醬，如果食得辣嘅朋友加埋個醬就會更加惹味，入面個鴨胸好厚肉，而且個鴨皮好香，入面有6舊，份量算多，幾好味！
凍海鹽雪糕椰汁珍多冰上面雪糕無咩鹹味，不過影相打卡就好靚，係一個唔錯嘅甜品和飲品，椰香味十足入面亦都有煙煙韌韌的粉條！
2.地道老鼠粉+椰汁班蘭冰$58+$8（7/10）
呢個炒粉係乾身，入面有好脆嘅魚仔乾，仲有甜甜地嘅菜脯，加少少肉碎同埋花生，連埋將一隻流心蛋搞埋一齊食，成個炒粉就會令到好飽肚，不過成個餸就會乾身少少！
椰汁班蘭冰入面綠色沙冰比人好清涼嘅感覺，入口微甜，不過個人覺得班蘭味可以再重d！
3.街頭串燒拼盤+馬來拉茶$58（8/10）
呢個拼盤有大蝦、魷魚鬚同雞肉，每款有各兩串, 每一串點辣醬非常正，個辣椒醬其實係同喇沙嗰個辣椒醬係一樣，非常惹味！
馬來拉茶入面有淡淡嘅香料，奶味和茶味香濃，唔會互相搶味，不過泡沫可以再多d！
4.恐龍蛋$36（9/10）
有兩個雪糕球，面頭再加上少少朱古力脆脆同埋美祿粉，白色係椰子味，啡色嘅係拉茶味，出面應該係食唔到，兩個雪糕都係啱啱好嘅甜度，作為呢餐飯結尾係唔錯
3人總共價錢$249.7，有加一服務費！
個人口味總評分：8/10
地址：樂富聯合道198號樂富廣場A區1樓1104-1105號舖
#樂富美食 #蒲羅 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
Post
