德美壽司

Open Now

Now Closed

行街行到熱，行到厚福街就去H8搵有咩食。突然好想飲杯冰凍生啤，就去咗德美食日本菜。以前喺紅磡返工間唔時會去紅磡新村嗰間食lunch，今次第一次嚟尖沙咀店。一坐低就點咗杯冰凍生啤，好啱夏天熱辣辣飲，爽！之後再點咗一個野菜牛肉鍋同汁燒鮮魷筒。最鍾意食野菜牛肉鍋個壽壽喜燒湯底，甜甜地好開胃。個鍋都幾足料，有半生熟蛋、唔少牛肉片、仲有豆腐、紅蘿蔔、紹菜、冬菇同粉絲。個汁燒魷魚筒好高質，賣相又好。魷魚質地軟軟的，似棉花糖，個汁啱啱好，唔會太鹹，好啱送啤酒。