The Grill Room (The L. Square) (Moved) New Location

今晚同朋友去咗銅鑼灣鋸扒，揀咗 The Grill Room，貪佢環境好之完嘢食又好食。前菜我哋叫咗三文魚他他配香草乳酪汁，作為前菜非常之開胃，有酸酸地嘅辣汁配合埋彈牙嘅三文魚，搽上多士上面或者就咁食都得。再嚟叫咗個黑松露薯條做配菜，炸得非常香脆，亦有淡淡的黑松露香氣。主席就叫做一個海鮮同呢最出名嘅扒，海鮮就係鐵板燒汁烤吞拿魚扒配蒜蓉銀魚椰菜花，吞拿魚煮到啱啱好，邊位烤有少少炭焦同時魚身肉質仍然保持新鮮魚生口感，佢嘅醬汁有少少酸酸地亦都令到人食到停唔到口。美國安格斯肉眼扒配黑松露薯蓉做一罐嘅出色，大大快16安士嘅牛扒夠兩個人分嚟食，叫咗五成熟，廚房就做到外面有炭燒嘅感覺，又保留到鮮嫩嘅肉質，咬落非常之juicy。薯蓉加咗黑松露，食落每一啖都非常之香，非常之令人滿足。飲品就叫咗佢哋期間限定嘅Cocktail Citron Sipper同埋紅酒Nero d'Avola。Citron Sipper充滿薄荷味，飲落去非常清新，適合夏天。紅酒性價比好高，容易入口，非常之配合肉眼扒。