Central Indian Restaurant

Open Now

Now Closed

估唔到上環都有1間食正宗印度菜嘅餐廳，仲要向地鐵站附近，好方便。作為喜歡試唔同地方菜式嘅人，點都要試一試。上到去，環境都好舒適，電視仲會播住介紹印度嘅食物，一邊食一邊睇感覺更了解佢地嘅文化。Mushroom soup 蘑菇湯 $42 - 幾有驚喜，同平時西餐飲開嘅蘑菇湯唔同，少左啲creamy感覺，同埋加左啲香料所以個味道層次更加豐富。Jeera Prawn小茴香籽炒虎蝦 $118 - 作為前菜感覺上係有啲偏重味道，初初會有啲唔慣，但之後食落就會覺得幾野味。vegetable samosa 雜菜咖哩角 $62 - 最愛的印度菜之一，呢個一定要襯熱食，裡面係薯仔同豆類嘅食材，個外皮好脆而入面嘅薯蓉都好入味。Prawn curry 咖哩蝦$98 - 因為見其他咖哩有好多辣椒，所以揀左1個辣椒嘅咖哩蝦，食落係唔會覺得佢辣，反而有少少甜嘅感覺，而相對同Jeera Prawn比呢個味道會更加適合第一次試印度菜嘅人。Garlic Naan 蒜蓉烤餅 $25 - 一上枱勁香蒜味，用烤餅嚟襯咖哩食完全係一絕。