木津 (Closed)

由旺角東站行落旺角，係天橋一望就望到呢間日本餐廳，大大隻字「木津」，去到門口見D相都吸引，就決定入去坐低食小小野，hea一陣，等夠鐘睇戲，由於不太餓，同埋要留肚食爆谷，只係嗌了幾款串燒，一個丼飯，同最緊要有杯凍飲。未夠七點坐低，得我地，未有其他客人，餐廳播著日文歌，黃昏般的燈光，埸內布置了一棵小小櫻花樹，因為冇其他人，冇人講廣東話，氣氛唔錯喎，可以當自己返左日本賞櫻😅掛念日本的我，找到些小止咳的感覺。先來一杯青檸薄荷梳打，好清新，啱曬冇乜胃口食飯嘅炎熱天氣，即刻解渴降溫。燒生蠔，生蠔都肥美鮮甜一口牛串燒比較出色，多汁嫩滑，唔un 👍另一款可樂牛肉，啖啖肉👏🏼雞軟骨串就不過不失👌海膽同三文魚籽丼飯，海膽同三文魚籽份量都不小，夠新鮮唔腥，喺香港食海膽，能夠唔苦同冇海水味，實在難得。米飯亦唔會好効張好勁醋味，這個丼值得推介。總結，出旺角最怕周圍係人，所以算好難得，係旺角地區搵到間居酒屋靜靜地，有小食有沙律有刺身有定食有串燒有炸物有特飮有清酒，而唔係放題般求求其其食飽的質數，會係三五知己飲杯drink 傾下計的好選擇。今次叫得好小野食，下次黎再試其他野。不過記得要㩒咗錢先過黎，因為當天見到櫃臺