Café Life Patisserie & Cafe (太興中心) (Closed)

早春三月，又到賞花季，講緊當然係女孩子最愛既櫻花，女友係惜花之人，最愛東京染井吉野櫻，不過呢排無假，行唔開！好彩比我發現上環皇后大道中，有一間由日本師傅主理既櫻花蛋糕、巴菲等精緻輕食既咖啡店。 是日偕同女友賞花嗜花，呢度窗明几淨，門面已經非常型格，好似去咗中目黑咁！我哋揀咗個窗口位，點了女友最好既粉紅色櫻花蛋糕，卷蛋上有鹽漬櫻花，忌廉夾心夾著櫻花蓮蓉，好香好滑，係我食過至like既蓮蓉味，仲一啲都唔漏！ 至於櫻花拿破崙，同樣有鹽漬櫻花點綴，大廚細心說打完卡就將件Cake打側放平，比較容易將脆脆餅皮切開，一口一口品嚐之際，仲比我食到車厘子肉，冧滋滋！ 呢度唔止有甜食，仲有鹹點，叫咗個牛油果吐司，牛油果軟綿綿、夾著野菜、吐司烙至脆皮，上面放有一隻溫泉蛋、撒滿紅澄澄煙肉、少許七味粉，旁邊仲有薯蓉，吃得好豐盛。 女友點了一杯櫻花奶蓋白茶，佢話茶味清香、奶蓋超滑，倒入杯中，奶花散落一刻好吸睛。身為型男，我就點了杯黑芝麻拿鉄，襯番今日件輕皮褸外套，夠晒”格哥兒”，講真，杯芝麻咖啡真係好好飲，麻香四溢，拉花仲勁有心思，帥！ 總評：櫻花香、味道冧、好浪漫，女友已經心心眼！😍