Video
Read full review
2021-04-27
11309 views
成個月前Online訂枱，以為好爆，去到見到又好似另一回事喎⋯⋯ Anyway，嚟得文華東方，比得咁嘅錢，期望和底線當然會大大提高啦！四日前已經陸續每日都收到call同埋message做confirmation，佢哋咁緊張，唔通真係會好似刺激？不過由於比較忙，所以到當日先記得打電話去回覆reconfirm。準時去到，接待過程機械化，冇乜感覺，坐在窗門旁邊二人枱，望到海景，餐廳嘅裝修，係有花過心機，但係都係舊酒新瓶，冇乜新嘅創意，似以前嘅English men’s club/ gentlemen’s lounge，其實今次係特登嚟睇裝修，不過完全冇驚喜，見過晒，冇獨特之處⋯⋯服務員問我想唔想要杯嘢飲，諗住嗌杯Cocktail，問佢一啲問題，唔識答，跟住佢去咗搵幫手⋯⋯ 似乎佢哋要多啲培訓啦！後來見到以前喺Otto e Mezzo嘅一個好出名mixologist而家嚟到呢度做，佢就好熱情，仲介紹咗一啲好有特色嘅雞尾酒，開頭諗住嗌Queen’s Gimlet，佢推介Two Bishops，聞到好香嘅柚子，味道唔錯。呢度嘅水用咗Belu，freeflow每人$30，算合理，亦可以為地球作出貢獻
四日前已經陸續每日都收到call同埋message做confirmation，佢哋咁緊張，唔通真係會好似刺激？不過由於比較忙，所以到當日先記得打電話去回覆reconfirm。
準時去到，接待過程機械化，冇乜感覺，坐在窗門旁邊二人枱，望到海景，餐廳嘅裝修，係有花過心機，但係都係舊酒新瓶，冇乜新嘅創意，似以前嘅English men’s club/ gentlemen’s lounge，其實今次係特登嚟睇裝修，不過完全冇驚喜，見過晒，冇獨特之處⋯⋯
服務員問我想唔想要杯嘢飲，諗住嗌杯Cocktail，問佢一啲問題，唔識答，跟住佢去咗搵幫手⋯⋯ 似乎佢哋要多啲培訓啦！
後來見到以前喺Otto e Mezzo嘅一個好出名mixologist而家嚟到呢度做，佢就好熱情，仲介紹咗一啲好有特色嘅雞尾酒，開頭諗住嗌Queen’s Gimlet，佢推介Two Bishops，聞到好香嘅柚子，味道唔錯。
呢度嘅水用咗Belu，freeflow每人$30，算合理，亦可以為地球作出貢獻！
居酒屋來講佢嘅Menu選擇少，壽司魚生天婦羅爐端燒都係得幾款，個Menu字體好細，就算20/20視力都有點吃力，仲有好多用英文拼音嘅日文字，幾難睇得明究竟係啲咩嚟，不過幫我哋點菜嗰個服務員都幫我我哋逐一解答到。
點左兩個starter，一個Maki，兩個Robata，食完冇感覺，所有點嘅菜式其實原材料非常重要，但係食落去感受唔到突出之處，味道一般，Seaweed Salad好濕，dressing太多，豆腐嘅粉好厚，有啲食落去仲膠膠哋，Tuna Maki求其喺Donki買盒都好食過佢，幾條奀挑鬼命嘅燒蘆筍點完隻溫泉蛋，覺得有啲嘥，所以用匙羹食埋啲蛋汁😆，燒和牛，要medium rare，不過似medium多啲，仲幾dry，所有嘅熱食一啲都唔熱，食物簡單唔係問題，不過要知道越簡單就越難做，咁嘅食物質素，喺外邊都唔難搵⋯⋯
最後甜品係芝麻雪糕，雪糕唔凍，但係又唔溶，好creamy，好有芝麻味，個cone好脆，不過因為唔凍，所以唔覺得食緊雪糕⋯⋯
整體服務一般，好Standard，機械化，冇特別嘅感覺。
環境雖然冇乜新意，不過係舒服嘅，除咗張凳，坐得好唔舒服⋯⋯
食完成餐飯，味蕾冇感覺，個肚冇感覺，情緒依然平淡，不值，試過就算⋯⋯
217 views
0 likes
0 comments
143 views
0 likes
0 comments
114 views
0 likes
0 comments
86 views
0 likes
0 comments
71 views
0 likes
0 comments
51 views
0 likes
0 comments
134 views
0 likes
0 comments
Post
