Video
Read full review
2021-04-29
1847 views
嘢食正唔正宗，睇有幾多local 去食就知！前後去咗兩次，每次都撞到一班local 去幫襯！舖頭都頗大，可以坐入邊，都可以坐出邊，兩次都係開舖冇耐就去到，坐一陣間就full 晒咁滯！嘢食選擇多，價錢都相當公道！Naan: 食親印度嘢必食，嗌咗三隻味，plain, garlic，好高質！Kashmiri 就怪小小，佢似plain naan上面加咗青紅椰絲咁，甜甜的，但味道都唔差！咖哩雞: 超足料，夠味得嚟又唔會太重味，有啲辣味，大部分人應該都接受到，同naan係perfect match!!!Lamb kebab: 呢個好得意，嗌之前我哋都冇concept 佢係咩樣，估唔到又唔差喎，食落有小小酸酸的，唔會太乾，食落唔係普通啲kebab味，係特別嘅！雞咖哩角: 大大粒，超足料，入面有雞粒同雞蛋，入邊啲餡係乾身嘅，有香料味但唔重，食唔晒留番第日，叮完都仲係好好味！羊串: 失望！調味係ok嘅，但好乾好鞋，食唔到嘅鞋，最尾食剩好多！總括嚟講，嘢食好高汁，價錢又公道，經開一定要試！
舖頭都頗大，可以坐入邊，都可以坐出邊，兩次都係開舖冇耐就去到，坐一陣間就full 晒咁滯！
嘢食選擇多，價錢都相當公道！
Naan: 食親印度嘢必食，嗌咗三隻味，plain, garlic，好高質！Kashmiri 就怪小小，佢似plain naan上面加咗青紅椰絲咁，甜甜的，但味道都唔差！
咖哩雞: 超足料，夠味得嚟又唔會太重味，有啲辣味，大部分人應該都接受到，同naan係perfect match!!!
Lamb kebab: 呢個好得意，嗌之前我哋都冇concept 佢係咩樣，估唔到又唔差喎，食落有小小酸酸的，唔會太乾，食落唔係普通啲kebab味，係特別嘅！
雞咖哩角: 大大粒，超足料，入面有雞粒同雞蛋，入邊啲餡係乾身嘅，有香料味但唔重，食唔晒留番第日，叮完都仲係好好味！
羊串: 失望！調味係ok嘅，但好乾好鞋，食唔到嘅鞋，最尾食剩好多！
45 views
0 likes
0 comments
44 views
0 likes
0 comments
41 views
1 likes
0 comments
79 views
0 likes
0 comments
總括嚟講，嘢食好高汁，價錢又公道，經開一定要試！
Post
