多毛 (Closed)

😸巴馬火腿三文魚凱撒沙律沙律都幾大份，煙三文魚整佐一個玫瑰花型，巴馬火腿都係肥美軟嫩既，沙律菜又多又新鮮，仲有啲巴馬臣芝士碎，食到蔬菜既新鮮又有配料既咸鮮，有層次鮮味既沙律，感覺好清新！😽脆炸魚柳手指薯條魚柳有幾條，炸得好香脆，魚柳炸到外脆內軟，金黃鮮明，乾身爽脆，熱辣辣好重魚香，點啲茄汁咁食就仲香，再配埋香脆既薯條，又有啲沙律菜，超級惹味呀！😻Oreo曲奇雪糕窩夫Waffle好香脆，內裏又好軟綿，雪糕好濃曲奇味，好甜好香，waffle好熱，雪糕就凍冰冰，冷熱相溶，仲有甜甜既朱古力醬，完美甜品！食咁耐都一直有貓貓行黎行去，貓貓又得意又乖，呢度都好多位置俾貓貓去玩，同朋友黎玩就岩晒啦！