北方餃子源 (Moved) New Location

西環區大部份出名嘅食肆都係以西式為主，估唔到會有間傳統北方餃子店令人著迷！呢間《北方餃子源》原來係蔡瀾推介餐廳之一，門口掛上蔡瀾簽名嘅招牌，亦有好多明星名人到訪嘅相片。餐廳內環境十分企理，仲有電視睇，都算坐得幾舒服！先試一份鮮肉韭菜餃，$25/ 5隻個皮好煙韌，唔係薄皮嗰種，但一D都唔覺得好麵粉，完全唔會感覺飽滯！咬落去D肉汁慢慢滲出嚟，口感好豐富，而且仲可以加少少辣醬嚟食，更有風味！再試茴香牛肉餃麵 $36，餃子牛味出眾，帶有少少騷味，好有北方嘅感覺麵條亦都好有咬口，唔會過份軟腍～如果轉酸辣湯底只需加 $15，鍾意食辣嘅朋友可以試下！