Video
Read full review
2022-07-19
256 views
今次嚟到佐敦食印度菜，早前上網訂位，有網上預約優惠，滿＄300就會送一支酒。由地鐵站行去餐廳大約5分鐘左右，地點唔算難揾，基本上沿住大路直行，經小巷轉入茂林街就到。餐廳一共有兩層，地下嗰餐大約坐到20～25人左，上層就坐到30人。去到餐廳，被安排坐二樓，座位好闊落，同隔離枱有一定位置，唔會有壓迫感。當日係平日，所以食客唔多，靜靜哋，環境好舒服。一坐低，就叫咗飲品先，再慢慢揀食物。所有食物都可以揀辣度，唔食得辣嘅我，就揀咗最少辣😆😆餐牌上嘅沙冰可以加爆谷🍿我就揀咗最穩陣嘅芒果奶昔Mango Lassi / Mango Aamb ($58)，朋友揀咗士多啤梨沙冰Strawberry Smoothie & Popcorn ($78)🍹杯沙冰好靚😍沙冰上面仲有厚厚嘅忌廉🤤好有誠意，爆谷多到滿瀉!! 而且係脆爆谷👍🏻奶昔嘅甜度適中，朋友就覺得沙冰太甜。不過食辣嘢，甜少少仲好😂叫咗兩個前菜。香炸空心球 Paani Poori ($68)，空心球上面鋪滿紅石榴肉，入面有餡料，酸酸甜甜，再配羅望子醬，倒入空心球入面一齊食，好清新，好開胃😋咖喱角沙律Samosa Chat ($78)，將咖喱角切粒做成沙
由地鐵站行去餐廳大約5分鐘左右，地點唔算難揾，基本上沿住大路直行，經小巷轉入茂林街就到。餐廳一共有兩層，地下嗰餐大約坐到20～25人左，上層就坐到30人。
去到餐廳，被安排坐二樓，座位好闊落，同隔離枱有一定位置，唔會有壓迫感。當日係平日，所以食客唔多，靜靜哋，環境好舒服。
一坐低，就叫咗飲品先，再慢慢揀食物。
所有食物都可以揀辣度，唔食得辣嘅我，就揀咗最少辣😆😆
餐牌上嘅沙冰可以加爆谷🍿
我就揀咗最穩陣嘅芒果奶昔Mango Lassi / Mango Aamb ($58)，朋友揀咗士多啤梨沙冰Strawberry Smoothie & Popcorn ($78)🍹
杯沙冰好靚😍沙冰上面仲有厚厚嘅忌廉🤤好有誠意，爆谷多到滿瀉!! 而且係脆爆谷👍🏻
奶昔嘅甜度適中，朋友就覺得沙冰太甜。不過食辣嘢，甜少少仲好😂
叫咗兩個前菜。
香炸空心球 Paani Poori ($68)，空心球上面鋪滿紅石榴肉，入面有餡料，酸酸甜甜，再配羅望子醬，倒入空心球入面一齊食，好清新，好開胃😋
咖喱角沙律Samosa Chat ($78)，將咖喱角切粒做成沙律，沙律有洋蔥、蕃茄、紅石榴，再加埋乳酪醬。最初見佢個樣咁伏，以為會怪怪，點知一食就停唔到口！同樣好開胃，反而無就咁食咖喱角咁膩👍🏻又有咖喱角，又有菜，一次過滿足哂兩個願望😌
主菜揀咗瑪莎拉咖喱雞Chicken Tikka Masala ($118)，配芝士薄餅Cheese Naan ($38)同蒜蓉薄餅Garlic Naan ($28)。全部咖喱都係無骨雞，食嘅時候好方便😆咖喱好香濃，有微微辣味，咖喱汁杰身，配埋薄餅一齊食係絕配👍🏻
順帶一提，所有咖喱都無配薄餅，要另外點。
總括嚟講，成個用餐體驗都好好。
地方好乾淨，我自己都幾鍾意食印度菜，但通常餐廳較細，用餐地方好近廚房，食完會成身都係餐廳嘅油煙味。但今次被安排坐二樓，一啲味都無，連洗手間都係乾淨企理。
雖然餐廳有兩層，但係二樓一樣都有員工係度，隨時standby。
職員服務好好，好有禮貌，同埋記憶力好強😂餐牌上嘅菜名好多都唔識讀，落單嘅時候講到一舊舊，職員都可以唔洗用紙筆記低，完全無錯👍🏻
食完會送返＄50 現金卷下次用。
推薦大家黎試👍🏻👍🏻
Post
