滋味廚房

Open Now

Now Closed

嗜辣又唔太食得辣既我午飯時間發現咗依間餐廳,雖然淨返唔多食飯時間,都衝入去試下啦.侍應全程用英文對答,睇膚色估計係印度人,食物起碼正宗先吖,叫咗個咖哩牛肉餐,係點完之後先發現原來有羊揀,後悔.無轉野食因為人手唔係咁夠,加上侍應動作慢咗啲,費事轉一轉就過鐘返公司.依度座位幾逼夾,枱同枱距離好少,要去廁所一定要隔離枱側身或者行開先至讓到條路俾你行.沙律同湯係2選1,今日係食沙律既心情.沙律汁夠酸好開胃生菜非常爽脆,雖然廚師刀功好,青瓜切得好薄,但太薄食唔到味道同口感囉.車厘茄再酸啲會更加好.拉茶係香甜滑既,但總係無我之前飲開果種獨特既味道,講唔出係咩分別,聽講要泡多先正宗,依度泡唔算太多,不過咁樣仲好多,咁多泡搞風等肚痛咩.Nang係軟冧冧,唔硬唔靭果種,非常軟熟,就咁食唔點汁都會食到香甜既味道,就算配咖哩都唔會被搶曬啲味.因為係正宗咖哩,而且落單時無提要咩辣,初時都擔心太辣食唔到,咖哩比我想像中無咁辣,反而係微辣加微酸,當然唔係雲南米線果種啦,配搭得幾特別,唔知用咗咩香料,幾好聞,但我淨係分得出薑味.牛肉有啲鞋而且有渣,不過唔算嚴重,而且主角咖哩好味,算係打返個和仲有突啦.依度出菜真係慢