Video
Read full review
2023-08-10
469 views
終於有機會可以嚟食「大圍小館」，之前一直bookmark咗呢間好耐都冇時間嚟食，終於今日放假一早就嚟食lunch。我去呢間係元朗分店另外一間喺大圍。其實係因為呢度有以前懷舊嘅灌湯餃食，所以就想嚟試吓。｛灌湯餃｝- 而家好多灌湯餃都係將隻餃子放喺個湯裏面，呢度就係做返以前傳統嘅方式，隻餃子係包住啲湯，咁先稱得上為灌湯餃。這灌湯餃好大隻差唔多有半個蒸籠咁大，灌湯餃裏面嘅材料好豐富，有瑤柱冬菇蝦肉豬肉… 所以個湯好鮮甜，最值得一讚嘅就係佢冇芫荽，因為我唔識芫荽，所以好啱我。食完一隻之後真係好想即刻encore多一隻👍🏻。｛古早味牛骨髓｝- 望落去細細碗咁，裏面都幾多牛骨髓，除咗牛骨髓之外，仲有一粒鵪鶉蛋同埋一條珍珠筍，而佢嘅味道就非常之惹味，有啲似沙嗲，都係好食👍🏻。｛川芎白芷蒸魚雲｝- 好香嘅中藥藥材味，應該唔係好多人可以接受，因為佢有少少苦味，但係我覺得佢係真材實料，而且我第一次食咁樣嘅做法，我覺得佢都算係好食，只要你接受到有少少苦味，如果鍾意食藥膳嘅應該會鍾意。｛鮮筍蝦餃｝- 呢個唔推介！我本人好鍾意食蝦餃，但係呢一籠蝦餃我唔鍾意食，佢唔係完全唔好食，但係如果以$49一籠蝦餃，我覺得佢
｛灌湯餃｝- 而家好多灌湯餃都係將隻餃子放喺個湯裏面，呢度就係做返以前傳統嘅方式，隻餃子係包住啲湯，咁先稱得上為灌湯餃。這灌湯餃好大隻差唔多有半個蒸籠咁大，灌湯餃裏面嘅材料好豐富，有瑤柱冬菇蝦肉豬肉… 所以個湯好鮮甜，最值得一讚嘅就係佢冇芫荽，因為我唔識芫荽，所以好啱我。食完一隻之後真係好想即刻encore多一隻👍🏻。
｛古早味牛骨髓｝- 望落去細細碗咁，裏面都幾多牛骨髓，除咗牛骨髓之外，仲有一粒鵪鶉蛋同埋一條珍珠筍，而佢嘅味道就非常之惹味，有啲似沙嗲，都係好食👍🏻。
｛川芎白芷蒸魚雲｝- 好香嘅中藥藥材味，應該唔係好多人可以接受，因為佢有少少苦味，但係我覺得佢係真材實料，而且我第一次食咁樣嘅做法，我覺得佢都算係好食，只要你接受到有少少苦味，如果鍾意食藥膳嘅應該會鍾意。
｛鮮筍蝦餃｝- 呢個唔推介！我本人好鍾意食蝦餃，但係呢一籠蝦餃我唔鍾意食，佢唔係完全唔好食，但係如果以$49一籠蝦餃，我覺得佢唔好，首先佢嘅皮有少少硬，同埋佢蝦餃餡裏面好多水，有少少奇怪，我又唔係食小籠包😅，蝦餃裏面除咗有筍同埋蝦之外，仲有肥豬肉（可能係豬膏？！），我居然食到一條筋，咬唔到😤，所以成個口感唔鍾意。
｛三蝦腐皮夾｝- 呢個係一個功夫菜，佢係一層腐皮一層蝦膠一層腐皮一層蝦膠咁，而蝦膠上面會有蝦籽，淋上龍蝦汁，再喺頂部灑上少少櫻花蝦。基本上淋咗龍蝦汁咩都好食😂，但係我自己食咗有一個部份係冇龍蝦汁嘅，反而我覺得仲好食，龍蝦汁完全掩蓋左腐皮、蝦同蝦子嘅味，所以如果冇龍蝦汁我會仲鍾意。
｛宮廷荷花酥｝- 我有少少被佢嘅外型吸引咗，我以為佢裏面都係嗰啲豆沙餡，原來唔係，基本上可以用鳳梨酥就解釋咗佢係咩呀😅，不過佢嘅餡料非常唔甜，所以我麻麻哋😂。
Post
