貴緣小鍋米線 (崇潔街) (Closed)

今日同朋友喺土瓜灣附近食左喺巷仔入面既小店，叫貴緣小鍋米線，一睇門面就知係嗰啲好地道好川味既隱世小店，一入去都坐滿哂人，同埋充滿住麻辣味。今晚我地兩個人lunch食左： 🔶️酸辣小鍋米線 （另加配料：豬軟骨，滷水大腸， 墨魚丸，蘿蔔）（$67， 8.5／10） 酸辣湯底好正！佢既酸帶點甜味，好特別。湯底好正，推介。另外，特別推介佢既墨魚丸，超級大粒，咬落好結實，非常有黑魚香。 🔶️鮮茄小鍋米線 （另加配料：冬菇皇，滷水大腸， 螺旋藻，豬紅）（$70，8.3／10）鮮茄湯底都好足料，好多蕃茄。特別推介佢既冬菇皇，好大粒菇同好juicy! 好似食緊菇扒咁！螺旋藻都好爽口好多料。 🔶️重慶口水雞翼（$27，8.5／10）十分入味。 🔶️麻辣豬肚絲（$31，8.8／10）好大碟好扺食，豬肚絲好有咬口。好辣，怕辣者慎入。但中意麻辣既一定要點！ 🧋自家製豆漿 ($9，8.5／10）好有豆味，唔會太甜，好解辣。 ✏️總括而言，非常地道既一間四川米線店，扺食！🙂