新泰東南亞餐廳

Open Now

Now Closed

今日約咗好耐無見嘅舊同事，大家都鍾意食泰國菜，齊齊搵咗間尖沙咀嘅泰國餐廳飯聚一下。 聽聞餐廳係由泰籍廚師主理，裝修同擺設都好地道，門口有架篤篤車，充滿泰式風情，就連啲職員都係泰國人。 泰式青咖喱：青咖喱辣度適中，有陣陣椰香味，配菜入味，雞肉亦夠嫩滑。配埋個印度酥餅點嚟食，鬆化香脆，真係非常美味！ 燒豬頸肉絕對係必點嘅菜式， 肉質好爽脆，亦有焦香，再配埋個泰式酸辣汁無得輸。 泰式炒椰菜仔炒得有鑊氣，蒜香味十足，提升鹹鮮味。