Thai 2.0 (Closed)

最近好鍾意食泰國菜，周圍去食唔同既泰國餐廳，今次黎到呢間Thai 2.0，幾唔錯wor😌價錢算平，特別係午市套餐，平均都係五六十蚊左右，包野飲，仲可以無限用優惠價追加小食！1⃣️原個椰青海鮮飯（$98）一見到個menu入面呢個既相就即刻決定左要嗌呢個🤩一上到枱淨係見到個賣相已經有預感佢會好食😚原隻椰青挖空左，入面裝滿曬飯，面頭鋪滿海鮮同埋啲醬，啲料多到滿曬出黎！食既時候都有啲驚一攞隻羹畢啲野就唔會跌曬落黎🙈  面頭既醬有少少似白汁既味加椰汁味，撈埋啲飯食唔會覺得好heavy，食得出好香既椰香味😋而且個飯入面除左啲粟米粒同青豆之外，仲有啲椰子肉！食落成個椰香味更加出！仲可以係舊椰子殼到掘啲椰子肉黎食。食完呢個飯之後真係啲椰子味充斥曬成個口腔🤤鍾意椰子味既人一定要試下！  面頭既海鮮有蝦🦐同青口，其實唔算好多，不過好鮮，特別係青口！好厚肉！一啲雪藏味都冇👍  2⃣️扎肉檬粉配泰式清湯（$53）好普通。扎肉都有四片，清湯就係正常清雞湯咁既味，冇乜特別，正常發揮啦，不過個人覺得有少少偏鹹同好似有少少味精既感覺。不過佢午市套餐仲有幾款湯底可以揀，好似冬陰功湯、喇沙湯同埋船湯，覺得揀果啲可能會好食啲🤔