新泰東南亞餐廳

Open Now

Now Closed

特別想吃東南亞菜，見到尼間店裝修得好乾淨舒服，就約朋友仔同來。燒豬頸肉非常好味，幾乎沒有肥肉，燒得表面微微焦香，沾上又甜又辣的醬，每口都是啖啖肉，肉質絲毫唔柴，甜甜辣辣又開胃，抵讚。鹽焗烏頭好大條，絕對夠兩三個人食。烏頭表面烤得雙面焦香，用筷子稍稍用力，魚皮好輕易就可以與魚肉完整分開。揭開魚皮後，豐滿白嫩的魚肉就露出來了。每筷魚肉都好結實，可以見到魚肉沒有小刺，蘸上配搭的醬料，入口更加突出魚肉的鮮甜味。魚肚更是塞滿了各種香料，完全唔腥。越式蟹肉炒粉絲都好驚喜。粉丝完全唔干，口感又爽，配菜好多，有灯笼椒、蟹肉、豆芽等等，没乜油，吃多几啖都唔会有热量负担。東南亚菜点可以唔点椰青同沙冰。椰青更原汁原味，椰青汁好甜，椰肉好嫩好juicy，好貼心配了個細細個的匙可以挖椰青肉食。椰青沙冰都好飲，冰涼透心。甜品點了泰式甜品拼盤。唔鍾意吃太甜的我都忍唔住食曬。最鍾意的是椰汁西米糕，夾心有芋頭，真是好好味，置身泰國享受假期的feel～