一喜車仔麵

Open Now

Now Closed

一段時間冇食車仔麵，突然心癢，在土瓜灣附近找到呢間「一喜車仔麵」，特色是潮汕食品。細細間舖幾多人，因為非常多款式。車仔麵食法係每樣食品都可以自由選擇 DIY，八款麵底真係多，食品有成幾十款，太厲害！推薦特色汕尾小米粿，細細粒煙煙韌韌，薯粉做皮，五花腩及大地魚做餡料。胡椒豬肚丸真的有豬肚香。汕尾馬鲛豬肉丸，比一般豬肉丸軟熟，因為有魚，幾特別。黑椒牛丸都幾香，陳皮魚蛋有陳皮味。我點了豪華九寶淮山麵，秘製黃金雞湯，呢個組合幾好不妨試吓。另外咖喱牛腩，煮得很軟熟。生炸潮汕三寶值得一試，包括汕尾馬交豬肉丸、有魷魚的魷魚丸及深海粒粒墨魚丸，一客共9粒。