炭家 (Closed)

今日收工去食咗間正宗炭火燒烤日式料理(炭家)，餐廳所有串燒都係炭火即燒，還有好多食物材都是日本進口～ 仲可以一路隔住個玻璃屏幕欣賞師傅炭燒嘅功力，又唔會有油煙味👍🏻鰻魚重：套餐內有蒲燒鰻魚，茶碗蒸，鰻魚凍，日式清湯和白飯。茶碗蒸好滑，蛋香味濃，配上清甜高湯，中間仲有啲鰻魚同香菇。鰻魚凍非常特別，將鰻魚造成啫喱，口感特別，爽脆得來又鮮味，配上酸甜嘅醬汁好清新開胃。鰻魚燒到好香，食落有炭香味🤩，火候控制得啱啱好，燒到好靚；肉質非常嫩滑鮮美，都幾厚身，肉質唔會好淋好肥，偏向結實有咬口有彈性～搭配熱氣騰騰的米飯，香氣滿滿，加上鰻魚醬汁鹹甜比例適中～配上日式清湯仲可以整成鰻魚茶漬飯😍月見雞肉棒：賣相好吸引，雞肉棒外皮以醬汁燒香，外面香脆焦香，內裏係軟滑雞肉，再沾上日本生雞蛋同特製醬汁，蛋味香濃，剩返嘅蛋漿加醬汁仲可以撈飯食😋總結餐廳全部以高質素食材為主，有正宗日式風味之餘，又結合左中環酒吧嘅特色，職員服務態度非常貼心，會主動推介菜式同食材，值得推薦大家來嘗試。