十二味 X Bamboo Bar (德己立街)

Open Now

Now Closed

朋友話帶我食香港版嘅太二，就係中環呢間十二味個酸菜魚。一坐低，店員就會好熱情甘同我哋介紹返用app落單。我哋叫咗一個人見人愛酸菜魚，一上枱個賣相真係同太二無分別，好足料，好多舊魚，超多酸菜，麻椒，藤椒。試咗一啖個湯底，一入口個酸味好突出，酸菜酸may may，一啖又一啖吾停口，同朋友即刻嗌左一人一個白飯。個人覺得同太二都有九成相似，好有驚喜。乾煸肥腸，有一個細心位，就係可以揀辣度同少鹽，我哋就叫咗少辣同少鹽。肥腸一上枱，鍋香味十足，本來我都怕會太肥太油膩，但真係無後悔叫呢個，肥腸炸得好乾身，外面層皮係比較脆口，入面就仲保留返肥腸嘅軟林口感，成舊肥腸完全被啲醬料包裹住，鹹辣度啱啱好，一定要試呢個。