正斗粥麵專家 (Closed)

星期日下午五點，女王好想食正斗，從沙田驅車到黄埔。去到見到雲吞麵三至六時特價，有位坐低五點四十分即叫。女侍應經理表示下午荼已完，其間態度極差，如果唔喺專程來到及有兩個小朋友，一定起身離開。黄埔大把嘢食無謂受氣。叫了雲吞麵、干牛河、义燒腸。麵夠彈牙湯夠味，但雲吞唔夠鮮，可能一時失手。牛河夠鑊氣，河粉炒得香但偏咸。义燒腸粉夠滑即叫即做，食完再叫多一碟。其他侍應服務態度良好，食具發現有污積洗唔干淨。如果女侍應經理的態度可以改善吓，應該會多些客回頭。