漁場台風

Open Now

Now Closed

好耐冇食過沾麵，呢一間係第一次食，雖然佢開咗好多年。一睇手寫紙見到得三款可以揀，我就揀咗最原始嗰隻先，即係原味。沾麵嚟到！一開始見到冇叉燒嘅，再了下碗沾麵湯，發現原來啲叉燒係切粒咁放咗喺碗湯入邊。第一啖食落去，個湯好夠熱，所以都幾滿意。我唔知道其實個湯係應該偏傑，定係正常就得，如果我要形容佢係正常果一種，比我想像中嘅稀。個麵好大，食哂之後好飽，啲麵係偏粗。我朋友叫左黑芝麻湯，真係成碗黑色同埋好多芝麻喺面。我覺得可以隔一排先再嚟都得。