Video
Read full review
2023-02-28
288 views
朋友介紹佐敦有間可以媲美日本的燒肉店，而且價錢合理，服務貼心，最緊要無限時交枱，好適合約三五知己去大吃大喝🍻去到見到座位好寬敞，坐得舒適，店員態度有禮，當晚見到隔籬有幾枱係日本人，連日本人都光顧嘅日式燒肉店，品質應該唔差😎點左個豆腐沙律🥙，食燒肉前多食蔬菜幫助消化😬肉類點左日本鹿兒島黑豚肉，平時唔鍾意食豬肉嘅我都覺得好食，因為肉質鮮嫩唔鞋口，牛肉就點左美國牛小排，貪佢油脂均勻，即使略熟都唔會太靭，而且價錢比和牛經濟，可算係性價比之選食完兩款肉覺得唔夠喉，點多個牛舌芯厚切，油脂豐富，外脆內嫩除咗燒肉，天婦羅軟殼蟹都好好味要讚店員服務態度好用心，會主動上前協助燒肉，分享燒肉技巧由於朋友係餐廳熟客，埋單有9折優惠，超讚👍🏻
去到見到座位好寬敞，坐得舒適，店員態度有禮，當晚見到隔籬有幾枱係日本人，連日本人都光顧嘅日式燒肉店，品質應該唔差😎
點左個豆腐沙律🥙，食燒肉前多食蔬菜幫助消化😬
肉類點左日本鹿兒島黑豚肉，平時唔鍾意食豬肉嘅我都覺得好食，因為肉質鮮嫩唔鞋口，牛肉就點左美國牛小排，貪佢油脂均勻，即使略熟都唔會太靭，而且價錢比和牛經濟，可算係性價比之選
食完兩款肉覺得唔夠喉，點多個牛舌芯厚切，油脂豐富，外脆內嫩
除咗燒肉，天婦羅軟殼蟹都好好味
要讚店員服務態度好用心，會主動上前協助燒肉，分享燒肉技巧
由於朋友係餐廳熟客，埋單有9折優惠，超讚👍🏻
Post
