新泰東南亞餐廳 (Moved) New Location

已經好耐冇食泰國菜啦今次去呢間真係幾正，好多菜式都好啱我口味，一定會再去多次！我地叫咗香芒牛油果軟殼蟹卷 $88，勁多食，好足料，芒果、牛油果、蟹肉、紅蘿蔔、肉鬆、蒜片，係甜同咸味之間取得平衡，鮮甜得黎又唔會似甜品，因為有啲蒜香味。第一碟上既就係泰式生蝦$98，有5隻，大大隻，非常推介，因為真係好新鮮，一路有冰鎮住，而且有保鮮紙隔住。點返個泰式生蝦汁，辣辣地，可以為鮮甜既蝦味加多點口感然後就係好期待既馬來西亞肉骨茶 $78、鹹魚炒芥蘭$72，同埋加咗一碗白飯$20，因為肉骨茶同菜都適合用白飯黎餸，先唔會太咸。依個馬來西亞肉骨茶同新加坡肉骨茶好唔同，雖然我比較中意新加坡果種，以前係新加坡食過一間好好食就返唔到轉頭，但係依個馬拉肉骨茶都好有佢既獨特之處同味道。依隻係以藥材為湯汁，加豬肉、冬菇一齊煲，岩哂中意藥材湯底既人餸白飯一流！我個人中意食肉骨茶湯飯。