Video
Read full review
2009-08-21
94 views
呢個布袋澳食海鮮之旅，朋友講左成個月，開始由六個話去既，最後得3個去，仲要係上次去西貢糧船灣食海膽果3個癡喪。由於怕天氣唔穩定，所以選擇MTR寶林落車轉小巴入去。布袋澳同上次漁村feel 既糧船灣唔同，呢度多左d圍村既感覺，仲有得shopping，有d蝦乾咸魚買下。據Openrice所記錄，呢度有兩間酒家選擇，但我地無plan定要食邊間，只係見步行步。行左陣比發記既員工招左我地入去。入到去，店員安排我地坐係海風送爽，有廣闊開揚海景送飯既枱坐低。枱側邊就係海，上面兩張相係我個位望到既景色！無耐，店員比左張menu我地，menu上寫既係d普通既酒樓小菜，炒粉麵飯，唔見海鮮。朋友見到"海膽炒飯"又開始想發癲！落order時，店員話而家唔arm季無得食海膽炒飯，甘我地就唯有退而求其次，想點"發記炒飯"，睇下幾"發記"都好，但你估都估唔到以下呢句說話會係店員把口講出黎！店員話："無發記炒飯。"…嘩！呢句對我黎講好震撼，就好似元朗B仔話無涼粉、池記話無雲吞、謝記話無魚蛋一樣！有d O 咀 再問店員有咩呀甘？佢答："楊州炒飯。"我地繼續你眼望我眼後，大家決定轉戰海鮮！希望合得返我地個。店員示意海鮮要
布袋澳同上次漁村feel 既糧船灣唔同，呢度多左d圍村既感覺，仲有得shopping，有d蝦乾咸魚買下。據Openrice所記錄，呢度有兩間酒家選擇，但我地無plan定要食邊間，只係見步行步。行左陣比發記既員工招左我地入去。
入到去，店員安排我地坐係海風送爽，有廣闊開揚海景送飯既枱坐低。枱側邊就係海，上面兩張相係我個位望到既景色！無耐，店員比左張menu我地，menu上寫既係d普通既酒樓小菜，炒粉麵飯，唔見海鮮。朋友見到"海膽炒飯"又開始想發癲！
落order時，店員話而家唔arm季無得食海膽炒飯，甘我地就唯有退而求其次，想點"發記炒飯"，睇下幾"發記"都好，但你估都估唔到以下呢句說話會係店員把口講出黎！店員話："無發記炒飯。"…嘩！呢句對我黎講好震撼，就好似元朗B仔話無涼粉、池記話無雲吞、謝記話無魚蛋一樣！有d O 咀 再問店員有咩呀甘？佢答："楊州炒飯。"我地繼續
你眼望我眼後，大家決定轉戰海鮮！希望合得返我地個。店員示意海鮮要去水缸自己揀！大家都有好大期望，但去到個所謂水缸…again…水缸area一眼望晒，分分鐘係街市既魚檔你會有更多選擇！分別就只在，呢度會幫你煮埋…我唔係要食奇珍異獸，海豚鯨魚，但…唔好得少過10種，係是但一間街市都找到既海鮮比我揀好嘛？同一位好熟悉海產類既朋友企係缸前數十秒，大家都無行動，坦白講，唔知可以揀咩！
最後，我地叫左扇貝、同店員介紹既聖子半打！店員都示意個半打聖子要成$200，坦白，我地山長水遠黎到，只要係好食，你貴d食水d，都抵！鬼叫自己做左半個遊客？回到枱，另一位朋友問我地做咩無黎表情同叫左咩食之後，都覺得"下…唔係呀？"見得甘少野食，最後加多左碟蒜蓉炒西蘭花…係！係蒜蓉炒西蘭花！你無睇錯，我地亦無攪錯！可想言之，呢度係選擇有限！
同之前食家所寫既食評一樣，d聖子上枱既速度，係說時遲，那時快、係快過你睇晒上面我寫既野，就上左。
豉椒炒聖子：我真係好少比出黎，但唔唔得…唔係比味道，係比佢食水深！聖子半打，佢比夠打半聖子殼！係殼，唔好睇漏個榖字！而聖子肉，order就6隻，都有4隻分開6舊比你既。豉椒味ok但唔野味。大佬，我地比$200係想食豉椒炒聖子，唔係豉椒炒聖子榖！
蒜蓉粉絲扇貝：蒜蓉無炒香就甘落，粉絲碎既乾身既，扇貝鞋既接近乾瑤柱一梳梳既地步，扇貝上無湯或汁，湯或汁或蒸既倒流水係晒碟上面。我無一沉百踩，抵毀佢係蒸既倒流水，而事實我有試過，係無咩味，唔好話無味精，直情無海水味。
蒜蓉炒西蘭花：正！如果同上面既馬馬虎虎、無黎海水味同$200食聖子榖作比較既話…因為佢真係蒜蓉同真係西蘭花…
我地極速食完，極速埋單，因為我地作左個極速決定>>>食埋隔離果間！(詳情請去海鮮島頁面。)
其後知道呢間野比ar蘇係2007年前介紹過都幾！唔係話ar蘇講就係一定好，而係出於自己好奇佢有咩比人介紹…究竟係呢度有第二間發記？我地又點唔中鎮店之寶？定係ar蘇係做媒？於是上網搜尋到…
2007年ar蘇介紹：白灼跳螺、豉椒炒聖子、白灼海中蝦、辣酒花螺、椒鹽瀨尿蝦、清蒸鮑魚仔、清蒸蜆、沙薑雞腳、豆腐魚湯 >>> 約$1,380 <<<< 哦…sell "抵食" ；係我最唔buy果隻"名義價格抵食" …原來我錯咀，係人地sell我唔buy既野....
總括而言：正所謂食得咸魚抵得喝，去得景點就預佢呃，但唔預佢呃呃呃…呃我聖子、呃我期望、呃我"抵食"…如果有人覺得山長水遠食d無咩特色，又唔係平既一般菜式都ok的話，我相信那個人絕對可以特登走人機場去食味x拉面！
Post
