Video
Read full review
2009-02-28
18 views
呢晚一行四人在尖咀搵食，想極都想唔到食咩就來左妹記﹗又有半年無來，每年都總會來呢度食番一次半次，算是對呢個老地方既懷念﹗睇番好多朋友食評原來呢度0的食物差了很多，之前吃都覺得已大不如前，呢晚9:00pm來到，雖說人聲仍然鼎沸但己沒有當年十點仲要排隊的盛況了﹗坐下先來懷念墨魚咀，並非次次有得食，要睇季節同埋來貨，炸得金黃脆口，炸粉不厚椒鹽味道卻嫌不夠，算是合格的好餸，用來佐酒甚好﹗再來南乳骨，怪怪的炸得一件件大大舊，賣相似豬扒多過似排骨，南乳味明顯不復當年勇，未夠入味﹗待應多左，服務亦都好左，會同客人打招呼同埋得閒過來吹下水，以前佢地忙到不可開交根本連傾計既時間都無，而家好了很多﹗見到老闆娘小惠，不過她也忙於招呼食客，見不到我，尤記得當年有幾次飲到爛醉凌晨兩點時份小惠講到明唔賣啤酒俾我，次次來到班朋友都總會提起呢0的當年瘀事，可能就係呢0的點點記憶令我總對呢度有份親切同埋歸屬人情味﹗及後來的是小炒王，濕笠笠的只有西芹、腰果及蝦仁，吃不到鑊氣亦看不到特色，小炒王在我的定義是必須香口惹味佐酒佳選可惜呢碟野似食西芹蝦仁多0的﹗失望﹗忌簾牛舌雜菇份量夠多，牛舌不吃我只試菇類尚算做得不錯，汁多夠味
又有半年無來，每年都總會來呢度食番一次半次，算是對呢個老地方既懷念﹗
睇番好多朋友食評原來呢度0的食物差了很多，之前吃都覺得已大不如前，呢晚9:00pm來到，雖說人聲仍然鼎沸但己沒有當年十點仲要排隊的盛況了﹗
坐下先來懷念墨魚咀，並非次次有得食，要睇季節同埋來貨，炸得金黃脆口，炸粉不厚椒鹽味道卻嫌不夠，算是合格的好餸，用來佐酒甚好﹗
再來南乳骨，怪怪的炸得一件件大大舊，賣相似豬扒多過似排骨，南乳味明顯不復當年勇，未夠入味﹗
待應多左，服務亦都好左，會同客人打招呼同埋得閒過來吹下水，以前佢地忙到不可開交根本連傾計既時間都無，而家好了很多﹗
見到老闆娘小惠，不過她也忙於招呼食客，見不到我，尤記得當年有幾次飲到爛醉凌晨兩點時份小惠講到明唔賣啤酒俾我，次次來到班朋友都總會提起呢0的當年瘀事，可能就係呢0的點點記憶令我總對呢度有份親切同埋歸屬人情味﹗
及後來的是小炒王，濕笠笠的只有西芹、腰果及蝦仁，吃不到鑊氣亦看不到特色，小炒王在我的定義是必須香口惹味佐酒佳選可惜呢碟野似食西芹蝦仁多0的﹗失望﹗
忌簾牛舌雜菇份量夠多，牛舌不吃我只試菇類尚算做得不錯，汁多夠味是不錯之選﹗
避風塘雞中翼一客七隻，炸得皮脆肉嫩可惜又是那個問題味道不夠，不夠就自然不惹味，只叫做炸雞翼也沒太多人反對﹗
最喊評的必是炒蜆，殼多過肉呢個大排檔老死問題十分嚴重，最可恨的是食到幾隻有沙的，同工友食到第三隻已不想再試，棄之﹗
令我同工友留戀的是這兒的戰鬥杯及骰盅，次次來到都無咩邊次係正正常常咁走，認識了做兼職的家政，佢收工仲過埋來一齊飲過，埋單後還自己攞錢請我地飲幾支啤酒﹗算是這次來妹記最有趣的過程﹗
留客的始終是食物質素及味道，人情常在，可惜美食不再，也許又要一年半載我又懷念此地再會來飲過﹔叫我常來食，我想不會了﹗
Post
