Video
Read full review
2017-07-21
221 views
雖然講到泰國菜，好多人都會諗起九龍城，我地都好鐘意食泰菜，但九龍城位置上唔太方便我，搵到一間評價甚高嘅泰菜，發現佢地喺大角咀有分店，週三晚收工就過去一試。餐廳位於匯豐中心附近，其實一帶都有好多特色小店，日本料理、漢堡店、越南野等等，泰國菜唔多，所以即使係新店都人氣甚高。而最吸引人莫過於一星期7日，日日都有一款$1特價菜式，咁優惠嘅價錢點能夠唔試。9pm後入座仲有7折優惠，性價比高！$1優惠價菜式：（晚市堂食、需惠顧主餐牌一個項目，飯、飲品、蒜蓉包、薄餅除外、加一以原價計算）星期一：炸蝦餅；星期二：鳳爪沙律；星期三：明爐烏頭魚；星期四：黃咖喱雞；星期五：飛天通菜；星期六：細枝啤酒；星期日：炸豬扒所以我地當日見隔離枱一對小情侶就點左一份咖喱雞、炒菜、白飯，埋單連加一100蚊有找，非常抵餐廳位置都幾多，裝潢簡約，以木色調為主，光線充足，與其話係泰式餐廳，俾我感覺更似一間cafe，帶少許文青感。餐牌供應小食、沙律、湯類、海鮮、肉類、咖喱、蔬菜、飯麵、甜品、飲品，定價唔貴。焗蒜蓉包 $34/5件包厚身香脆，蒜茸搽得均勻，唔會一忽有一忽冇，沾上少少黃咖喱汁送包一流泰式炸蝦餅 $69/3件炸蝦餅大件
$1優惠價菜式：（晚市堂食、需惠顧主餐牌一個項目，飯、飲品、蒜蓉包、薄餅除外、加一以原價計算）
星期一：炸蝦餅；星期二：鳳爪沙律；星期三：明爐烏頭魚；星期四：黃咖喱雞；星期五：飛天通菜；星期六：細枝啤酒；星期日：炸豬扒
所以我地當日見隔離枱一對小情侶就點左一份咖喱雞、炒菜、白飯，埋單連加一100蚊有找，非常抵
餐廳位置都幾多，裝潢簡約，以木色調為主，光線充足，與其話係泰式餐廳，俾我感覺更似一間cafe，帶少許文青感。
餐牌供應小食、沙律、湯類、海鮮、肉類、咖喱、蔬菜、飯麵、甜品、飲品，定價唔貴。
焗蒜蓉包 $34/5件
包厚身香脆，蒜茸搽得均勻，唔會一忽有一忽冇，沾上少少黃咖喱汁送包一流
焗蒜蓉包
$34
9 views
0 likes
0 comments
泰式炸蝦餅 $69/3件
炸蝦餅大件，炸粉唔算厚但唔屬於香脆，食得出有蝦肉味，可惜肉質較實，彈牙感欠奉
泰式炸蝦餅
$69
6 views
0 likes
0 comments
泰式炸蝦餅
$69
8 views
0 likes
0 comments
酸辣去骨鳳爪 $70
泰式鳳爪係我其中一樣食泰菜必定會點，比起酒樓嘅醬汁鳳爪，我更鐘意呀婆莓過嘅無骨鳳爪 (笑)
鳳爪份量頗多，酸辣度如果再加強會更好食。
酸辣去骨鳳爪
$70
12 views
0 likes
0 comments
黃咖喱雞 $1（原價：$72）
因為我地週四惠顧，黃咖喱雞以1蚊優惠價供應 (按原價加一)，抵食到爆啦，如果週三黎1蚊雞有條魚仲誇張的抵
咖喱比較稀身，食落微辣，份量唔算多，裡面有雞肉、薯仔、洋蔥，雞肉少少地幾件，唔鞋收貨，配白飯或蒜蓉包、薄餅一流。
1蚊唔叫都對唔住自己
黃咖喱雞
$1
11 views
0 likes
0 comments
鹹肉炒椰菜苗 $64
椰菜苗基本上係我地食泰國野必點，貪佢纖維高有助消化。椰菜苗菜味濃，蒜蓉炒點都好食，鹹肉類似脆嘅燒肉，咸香但對菜嘅味道冇大影響。
鹹肉炒椰菜苗
$64
26 views
0 likes
0 comments
香葉辣椒肉碎炒飯（豬/牛/雞）$72
炒飯份量多，而且辣度十足，我地選擇雞肉，炒得唔會太乾身，食落亦都唔油膩，唯獨香葉味道太強烈，以致成個飯一陣怪怪地嘅味。
香葉辣椒肉碎炒飯
$72
36 views
0 likes
0 comments
芒果冰特飲 $34
芒果冰價錢都唔平，但份量比想像中細杯，芒果味道屬清甜唔算香濃，飲落仲似加左少少龍眼水。
芒果冰特飲
$34
7 views
0 likes
0 comments
椰汁冰 $26
椰汁冰香甜，更勝芒果冰
椰汁冰
$26
6 views
0 likes
0 comments
呢間泰國菜價錢相宜，味道整體不俗，特別係每日都供應1蚊優惠，相當划算，有機會想再訪試下1蚊明爐魚 (唔好理好冇食，但一定係抵食)。
以上兩人食，人均二百，非常飽肚滿足。餐廳環境舒適，唔會太嘈雜，適合朋友飯局，服務合格，可以再訪
餐牌：
Post
