華嫂冰室 (Moved) New Location

華嫂冰室應該唔計屋企樓下嘅茶餐廳或冰室算係人生去過最多次嘅冰室。話說我已食過4-5 年， 當時仲未開始多人認識時已常常光顧。華嫂對員工好有人情味， 這是人所皆知， 因為每日1-2 點就係員工用膳時間， 所有單都要在12：59 分前入， 如果唔係， 2 點先再點啦。對客人就係，如果1點來到， 你地出去行下， 2 點再返來排隊。 超有性格嘅華嫂。一年多二年前， 本身除了本店外都無分店， 但係華嫂覺得仔仔有她7-8 成火侯就比機會仔仔在外面，但係要食10 足火侯都係返本店。話分兩頭， 都係講返野食， 我今次同朋友兩個人過來點了午餐肉蛋公仔麵加瑞士雞翼， 凍奶茶走甜和菠蘿油。午餐肉煎到剛剛好， 唔會太乾或太生， 雞蛋個蛋黃深黃偏橙色，好香蛋味， 至於公仔麵就爽口， 唔會太淋， 只是最簡單嘅餐蛋麵都做到咁完美。瑞士雞翼就甜甜的， 又好入味。至於最後食嘅菠蘿油， 牛油味好香， 可以帶出個包嘅香味， 菠蘿皮香脆， 個條紋雜亂無章， 其實上面個坑紋越雜亂無章越脆。以後大家食菠蘿包記得留意啦。