黑龍

Open Now

Now Closed

呢間由日本人主理嘅拉麵店，2014 年喺灣仔開到依家，每次經過都見到有人排隊 🙈 一入去，店員就會大叫「いらっしゃいませ」歡迎你！店面唔算大，多數係吧枱位～ 佢哋主打濃湯拉麵同沾麵，每月仲有唔同限定優惠！今次我 Follow 咗佢哋嘅 社交平台，就送雞軟骨餃子一隻，口感香脆 #好食 💥 我同阿姨揀咗招牌黑龍豚骨拉麵 ($90)，個湯濃得嚟膠質滿滿 😋 叉燒薄切偏瘦，配料有溏心蛋、筍片、紫菜同埋蔥花，麵條細幼，軟硬可以自己揀，啱晒唔同口味嘅人～ 如果唔想食熱辣辣嘅拉麵，可以試下佢哋嘅期間限定叉燒牛蒡天婦羅涼拌拉麵 ($90)。炸過嘅牛蒡一啲都唔苦澀，叉燒同麵條都比湯麵粗身，叉燒仲要有少少燒香味！佢哋嘅章魚燒 ($30) 外皮脆卜卜，咬落去仲有彈牙嘅章魚粒，有埋少少燒汁更好味 😍~#必嗌！最後，因為天氣實在太熱，我哋仲叫咗個生啤+餃子套餐 ($90)～ 餃子皮煎得香脆，咬落有肉汁，配埋冰凍生啤，爽呀 🍺